噚日先講完，日本萬人迷木村拓哉因為喺SMAP解散事件中，疑似做二五仔，搞到成個日本藝能界都怕咗佢，想開新劇無女星肯接之餘，隊友香取慎吾仲放話，嚟緊明年完約即引退，事關有人憎木村憎到唔想見到佢咁話。
標籤: 香取慎吾
玩到咁大？ 香取慎吾明年9月引退又關木村事？
日本天團SMAP自從宣佈年底正式解散後，各大傳媒日呎夜吹「分手」原因，不過眾說紛紜中，大多傾向於對上次鬧解散時，木村做咗二五仔嗌留低，搞到成Team人都唔Like佢一個，最佳證據就係，嚟緊木村打算開新劇，講咗幾個月，都傳所有女星都推晒唔肯接。
終於都講真 SMAP深夜靜靜雞講散Band
日本天團SMAP年初有成員玩嘢，想離開事務所自己發展，轟動咗藝能界，搞到成個日本都要出手挽留，甚至連經濟學家都出埋口，話SMAP拆伙會影響日本唔見咗上億日元，最後有傳係木村老婆工藤靜香出面先搞掂，五子要排排企道歉，誓神劈願嗌留低。不過，搞完場大龍鳳後，SMAP五條友就被日傳夜傳不和，每隔兩個禮拜就話會散Band，連事務所所長Johnny喜多川都要打開口牌話SMAP永不解散先要平息咗一陣。
神話幻滅 傳聞 SMAP 解散
日本神級天團 SMAP 紅咗足足廿幾年，最終都要面臨解散命運。據今日日本幾份報紙的頭條報道所講，因為所屬的Johnny事務所社長Johnny喜多川將退下火線，並由姪女接手，引致公司大地震。 SMAP 成員除了木村外……
草彅剛孖木村打輪椅藍球 香取：屎波到暈
日本男天團 SMAP 今日去咗駒沢奧林匹克公園，出席殘障人士運動會「 パラ 駅伝 in TOKYO 2015 」，五位成員仲參加埋一份。其中，木村拓哉同草彅剛落場參加輪椅籃球，但係首次參與嘅草彅射極唔中，唔係大針就炒粉，場邊嘅香取慎吾係咁笑佢屎波。
新片同 綾瀨遙 做外星人夫妻 香取慎吾：想做雌雄同體生B
日本明星同香港班「巨星」好唔同，即使幾紅都唔介意扮鬼扮馬。好似 SMAP 嘅香取慎吾之前扮完阿愁後，又有新搞作，喺新片《 ギャラクシー街道 》度就孖綾瀨遙扮外星人夫婦。