開學都有一段時間，除了小朋友要開學之外，最近另一間學校都「開學」，適逢日本人氣繪本「小熊學校」（the bears’ school）面世 15 週年，八達通卡特別推出「小熊學校」 3D 版八達通配飾，主角 Jackie 將以不同服飾與變色小配件，跟埋你一齊返工返學四圍去。
標籤: 八達通
八達通 x B.Duck 新造型超級卡娃兒
八達通近期都好多搞作，早前推出龍珠八達通之後，最近又同香港品牌 B.Duck 合作，推出 B.Duck 3D 八達通配飾系列。其實這集小黃鴨一向都受到不少女性及小朋友所愛戴，加上有不同的造型設計，應該吸引不少人購買意慾。而定價為$188 ，不設按金及儲值額，將在 2016 年 12 月 7 日（星期三）早上七時起，在全線 7-ELEVEN 公開發售。
《龍珠》3D 八達通吊飾 有埋筋斗雲必搶悟空
《龍珠》不經不覺間都已經面世 30 年，今年活動都幾多，好似最近就同八達通合作，推出龍珠 Z 3D 八達通吊飾，而今次總共會有三個人物登場，分別是悟空、布歐、比達，而且每個人物仲會有埋代表底座，好似悟空就可以腳上面加個筋斗雲，而比達就可以加太空艙，都幾吸引，《龍珠》迷必買。
iPhone 無 NFC 都啪到八達通 推出流動讀寫器屋企增值
早前八達通推出 Android 手機應用程式 O! ePay 及 強化八達通 app ，用家可以直接用手機拍卡，查詢結餘、增值、網上付款等全部都做到。不過，由於要有 NFC 功能，所以 iPhone 用家一直都只得個恨字。最近八達通亦特別為 iOS 用家推出八達通流動讀寫器，做到之前所有 Android 用家做到的功能，售價 $228 ，所有地鐵範圍的 7-11 均有發售。
八達通植入指甲 坐車 Show 纖手入閘
八達通已經成為好多人日常生活必備品，手錶型、 SIM 卡全部都有，不過如果值入到手指，你又點睇？最近英國一名珠寳設計師 Lucie Davis ，就將倫敦的公共交通預付卡 Oyster （即係類似香港的八達通），植入到到手指甲當中，當然只不過是假甲，不過都算幾特別，不如下次植入手掌啦笨！