最新一集《蜘蛛俠：不戰無歸》喺香港上映短短兩周，票房已經破億，如果早前未睇，喺新一輪防疫政策下，戲院全部關閉，唔知大家又有無諗過用其他方法去睇呢？網絡安全公司 ReasonLabs 專家都了解到全球仲有好多人想喺「屋企」睇，不過呢種做法除咗係違法之外，透過 BT 下載盜版電影，對網民亦存在極高風險，因為研究團隊發現，有網絡犯罪集團火速製作出加密貨幣 Monero 嘅挖礦軟件，假扮成新一集蜘蛛俠嘅 torrent 檔案，然後放上不同討論區等目標自己中招。電腦一旦被感染，挖礦軟件就盜用電腦嘅運算資源嚟挖礦，用戶唔單只會發現電腦行得慢咗，仲有機會慢到用唔到添！
標籤: Monero
老翻遊戲 暗藏挖礦程式 半年勁袋200萬美元
原來將遊戲變成盜版免費分享，居然仲好賺過賣遊戲。Avast 發表報告，指有黑客於多款正版遊戲內暗藏挖礦程式，然後再改裝成 老翻遊戲 於討論區開心些牙，結果半年內吸引 22.2 萬貪心玩家安裝，成功挖得 9,000 個門羅幣，吸金 200 萬美元。如果俾開發者知道，可能會話：「阿姨我不想努力了」……