自從 Google 推出 Pixel 手機之後，一直都叫好叫座，而正式推出之後，雖然價錢略貴，仍有不少用家追捧， Pixel 與及 Pixel XL 兩部機的水貨，亦都在香港出售，價錢由 $5,850 至 $9,998 之間。不過，如果你想買，最好還是停一停，諗一諗，因為最近外國傳媒便指出，由於手機系統有 bug ， Pixel 少部分時間會無法連接 4G 網絡，而今次受影響的屬 LTE Band 4 ( 1700MH )，雖然不屬於香港的 1800MHz 及 2600MHz ，但今年手機界鑊氣勁重，買之前最好考慮清楚。