日本女星米倉涼子，雖然已經41歲，但副Body仲Keep到好過晒啲十八廿二，但，好可惜，佢去年底閃婚再閃離婚，搞到人氣急速滑落。不過，不幸中嘅大幸，電視台、甚至連整個日本都好似好畀機會佢，幾個月前上咗套佢被Like爆嘅《Doctor X》系列劇場版，個收視靚仔到無朋友，令到電視台放心嚟緊10月再上《Doctor X》第四季，好多傳媒都Tip呢套係米倉翻身之作，不容有失咁話喎。
標籤: 米倉涼子
唱現場谷劇 剛力彩芽被嘲：都係返去唱歌吧啦
日本女星剛力彩芽，由出道至今被喻為收視毒藥，搞到去年要宣布轉型勇闖樂壇，可惜，事務所嘅師姊米倉涼子唔爭氣，爆出閃婚再極速離婚事件，事務所為咗救亡，除咗推生完無耐嘅上戶彩復出外，仲要彩芽妹「破誓」接劇。
米倉涼子 離婚爆乳回歸
40 歲日本女星米倉涼子舊年 12 月閃嫁細佢兩年嘅公司社長，唔夠幾個月就話被老公施暴玩離婚，連累佢嘅事務所要告急救亡。日前，米倉正式宣布已回復單身，仲話嚟緊會專心工作。