日本女神北川景子，婚後身第一擊嘅新劇《家売るオンナ》（唔知邊個亂繹：你家是我的事！）輕輕鬆璧成為今季劇嘅收視冠軍，仲揮低咗桐谷美鈴＋成班青春偶像派合演嘅《有喜歡的人》。日前，電視台同景子宣佈，嚟緊秋季日劇《ヒポクラテスの誓い》（無責任亂繹：「醫學之父」希波克拉底之誓）再搵景子擔正主演，劇中景子會挑戰做法醫，日前電視台同景子都率先公布咗幾張劇照，相中所見，景子穿起個醫生袍個Look，的確有幾分美女醫生Feel。可惜景子今次係做法醫，若果佢係普通科門診，睇怕成班宅男日日都話有病。
標籤: 新劇
新垣結衣 新劇做職業新娘 宅男大叫：我請！
日本女神新垣結衣堪稱收視福將，不論老中青男女老幼都逃唔過結衣嘅魔掌，難怪日本TBS電視台等咗三年，終於求到佢出演10月新劇《逃げるは恥だが役に立つ》（亂繹：逃走可恥但很有用）之後，就立即展開勁爆嘅宣傳。今日就率先公布咗結衣造型相。相中，結衣著住婚紗襯波鞋，將佢青春一面完全釋放晒出嚟。