一年易過又聖誕，到處都充滿節日氣氛！到户外拍攝聖誕燈飾經常光線不足，到商場拍照又會遇到背光問題，面對這些無法控制的外在環境因素，要拍攝美美的照片究竟有什麼簡易好方法？手機內置的夜拍模式及逆光模式就可以輕鬆解決問題，一樣可以拍到靚靚自拍相。
標籤: 自拍
首用 Qualcomm 處理器 美圖 T9 行 Snapdragon 660 賣 HK$5,299
一向 sell 自拍功能的美圖手機，雖然並不及 Casio 的自拍神器大賣，不過都有不少少女貪其價錢較低而入手。但隨著美圖功能升級，似乎低價政策都要改動，好似最近推出的美圖 T9 ，便改用了成本較高的 Snapdragon 660 ，不過最得人驚的都是定價，今次新機竟然開價 HK$5,299 ，用旗艦級價錢來買中階硬件，又是否物有所值？就要再睇睇功能有幾勁先知。
Canon 櫻花粉紅色 EOS M100 現身 美肌自拍模式＋多角度觸控屏幕女士最 Like
Canon 的無反系列近年都相當積極，繼之前推出 M50 之後，另一個專攻女性的 M100 又有新色推出，今次發售的是女士們最愛的粉紅色，配合內置智能美肌自拍模式及上揭 180° 多角度觸控式屏幕，提供智能平滑肌膚的美肌及亮度調校功能，讓用家輕鬆拍出高質素自拍照。
女性專用自拍 Action Cam Casio EX-FR100L 長腿自拍神器
近年輕Action Cam 盛行，不單止是做運動時，會用得到，更有不少女性會帶部 Action Cam 去旅行影相兼拍片。而最近 Casio 便將 FR 系列轉向女性化，更冠以長腿自拍神器！與過往的 FR 系列一樣，會採用「分體式設計」，設有 3 吋 92 萬像素輕觸式 LCD 顯示屏，玩自拍之餘，影風景都好正，加埋全粉紅色機身，售價為 HK$3,480 。
自拍神器出新色 Casio EX-TR70 推 2.0 升級
專攻女性的自拍手機，可以話長出長有，最近 Casio EX-TR70 ，便推出 2.0 升級版，今次新機除了加入粉紅色選擇之外，更新軟件加強陰暗環境拍攝質素，即使光線不足或昏暗場景下拍攝，美肌能力依然強勁。另名，亦會提供 2.0 升級版 Make-up Plus 美顏模式，想影出女神肌，更加容易。
Casio EX-ZR5000 唔止自拍神器 長腿 ？一樣影到！
Casio 自從自拍神器好賣之後，自拍 DC 推出都一浪接一浪，最近又有新作，今次型號為 EX-ZR5000 。不停推出自拍機，仲有新賣點？當然有！因為今次會加入 19mm 鏡頭，專攻旅行自拍用，影自己之餘仲可以影埋風景。而且仲可以用超廣角玩埋長腿相，永無短腳人出現！新機售價為 $3,480 ，並會推出白色、粉紅色、粉綠色及黑色選擇。
仲用自拍神棍自拍？ 全自動航拍機 ZERO-TECH Dobby 自拍先叫 in
航拍雖然多人玩，但由於操作要有一定程度的技巧，並不是每一個人都識玩。當然業界亦不停簡化操作，好似早前就有一架摺合式的自動人面追蹤航拍機，現身 Kickstarter 。而最近類似的航拍機亦在香港推出，由 ZERO-TECH 生產的 Dobby ，能人面追蹤、手掌起飛、自動影相拍片等功能樣樣齊，不懂玩遙控飛機？一樣玩到。
6 吋芒 ＋ 防震自拍 ＋ 低光拍攝 Sony Xperia XA Ultra 都玩性價比？
現時好多大都進求大屏幕手機，而 5.5 吋開始成為標準之後， 6 吋的機身加成為不少愛打機及睇片的用家首選。今日 Sony 亦加入 6 吋手機爭奪戰，推出 Xperia XA Ultra ，機價主打中階用家，同時亦繼承 X 系列的強勁自拍能力，前置相機不單具有 1600 萬像素，更加防手震及 LED 補光燈，可以說是專攻女性的大芒手機。
愛 selfies 要有節制 自拍會令皮膚老化？
全球不少男男女女都愛用手機 selfies ，一日影十幾張只不過是等閒事，放上社交平台開心 share ，先至最重要。不過，最近有英國的專家表示，原來自拍得太多，除了令到皱纹增加之外，同時亦令會到皮膚加速老化，甚至有醫生話可以單看樣貌便知病人用哪一隻自拍，似乎問題都幾嚴重。
香港景色變濾鏡 SelfieCity 玩城市雙曝光
現在用手機影相，已不是單純講靚與不靚的問題，就算你千方百計去構圖，可能都未必及得上其他人的濾鏡效果吸睛。但玩濾鏡效果，除非好特別，否則都難以突圍。如果想有新鮮的濾鏡效果，不妨搶先安裝「 SelfieCity 潮自拍」app，因為內有多款靈感取自香港城市景觀的濾鏡可玩，呃Like一流。
舊瓶舊酒溝新酒 Casio EX-ZR3600 繼續自拍
Casio 自推出了自拍神器之後， DC 相機都以自拍、美顏為中心，最近又推出 EX-ZR3600，如果單睇外型，可以話同前作無太大分別，而新增功能方面，亦都主要以軟件升級為主，相信最大賣點，只得「粉紅嫩肌」模式同強化的自動傳相功能，對女士們又有幾大吸引力？
機殻神棍二合為一 STIKBOX 女士們最愛
潮興玩自拍，而自拍又點得一支自拍神棍，不過每次都要拎多支嘢出街，好唔方便。最近就有公司推出伸縮手機殻 STIKBOX ，可以伸縮變成自拍棍，影相更加方便。不過現時只限 iPhone 6 及 iPhone 6s 系列手機， Android 用家就無緣玩。
唔知好嬲定好笑 英國食品廠推出 自拍匙羹
香港好多人都習慣「相機先食」，上菜點都要影張靚相放上facebook，同朋友分享。不過，最近有一間名為Cinnamon Toast Crunch的食品生產商，竟然想出自拍匙羹的產品。咩係 自拍匙羹 ？就是在一支自拍棍尾部，裝多支鐵匙羹……
ASUS三機齊發 ZenFone Selfie 自拍狂最愛
自稱為自拍神器的Asus ZenFone Selfie 今日終於都正式發布，這部新機除了採用1300萬像素前後鏡頭之外，更重要日一廿人前後鏡頭都有雙色溫補光燈，玩自拍十分方便。另外，設有快速開啟前鏡頭功能，對於一眾自拍狂來說，應該好鍾意。