由日本女星武井咲同男神瀧澤秀明孭飛嘅日劇《せいせいするほど、愛してる》（強譯：毫不保留的愛），搵到Tiffany同Jimmy Choo贊助，加上兩個主角男正女索、Model級嘅顏值，因此都不難估到套劇成個Fashion Show咁不停換衫，成功沖淡咗劇中不倫戀嘅乞人憎主題。
標籤: 瀧澤秀明
又有床戲 又無嘢睇 武井咲不倫戀四不像
尋日先講完，42歲嘅松嶋菜菜子為咗新劇搶收視，預告將會喺劇上獻出熒幕首次床戲，點知，今日又有女星出招。日本玉女武井咲嚟緊套新劇《せいせいするほど、愛してる》（台繹：毫不保留我愛你），將會孖瀧澤秀明搞不倫戀。雖則話自《晝顏》後，不倫戀成為日劇必Hit元素，但係呢套劇就不被觀眾睇好，事關，觀眾不斷彈武井sell開清純，扮外遇對象已經無乜說服力，而瀧澤秀明雖然都係咁靚仔，但要佢做不倫夫又太委屈。