日本女星廣瀨玲最近好黑仔，無啦啦被萬惡嘅日媒傳佢同《逃恥》入面百合個Gay男下屬成田凌有路，雖然雙方事務所已極力否認，但都無阻日媒趁機踩多兩腳，難怪近排好似失咗蹤咁無晒消息。不過論最想廣瀨玲死嘅，應該係佢家姐廣瀨愛麗絲，嚟緊聽日佢套新劇《愛を乞うひと》放映，於是有關媒體決定幫佢送阿妹一程。
標籤: 廣瀨愛麗絲
玩嘢咩？ 廣瀨鈴 vs 廣瀨愛麗絲當宣傳
日本女星廣瀨鈴同佢家姐廣瀨愛麗絲，被傳不和已經講到爛，因此好多品牌都唔敢打兩姊妹主意，但呢個世界仲好多人唔識死，係都要搵呢對極品姊妹花打孖上。好似日本職籃B.LEAGUE就搵過佢哋兩個做代言。日前仲為咗即將開League，搵佢哋拍咗輯宣傳片，片中，兩姊妹要「隻抽」打半場。
陰X公！ 廣瀨鈴 18 歲生日又被爆姊妹不和
日本新生代女星廣瀨鈴喺圈中雖然唔係咩世界女，但都有番一、兩個知心友， 19 號就係佢 18 歲生日，事前野村周平同幾個 FD 已經約咗佢去睇電幻少女組合 Perfume 演唱會慶祝。到生日正日仲獲大塚愛、前田敦子等喺 Twitter 度祝福。連佢一向被稱不和嘅家姐廣瀨愛麗絲，都留咗句：「すっっっっっっちゃんHappy Birthday！」
家姐無人吼 廣瀨鈴 新髮型叫好叫座
日本女星廣瀨鈴外間對佢嘅評價雖然好壞參半，不過即使點彈，都唔會有人彈佢樣衰。佢噚日喺Twitter度Upload咗佢最新嘅髮型，不單只將齊陰剪碎，仲輕微修咗少少眉。當張相一出，一日內就立即爆咗2萬6個Like，好多粉絲留言大讚佢可愛。