好多人都鐘意買波鞋，貪日日轉款易襯衫，不過買埋屋企大一堆，無位擺又阻掟。不過如果你有這對 ShiftWear e-ink 鞋就無晒煩惱，因為可以日日轉款之餘，仲可以自製圖案，想將動漫角色定電影情節變成波鞋圖案都無問題。
雖然這對 ShiftWear 波鞋在 Indiegogo 集資中，不過已經達標，表示好大機會會出到貨。由於鞋身大部分位置都用彩色 e-ink 包住，用家只需使用專用app就可以換不同靜態或動態圖案。另外，最特別是加入步行充電方式為內置電池充電，夠創新。而且波鞋提供 5 米防水，落大雨都不怕會電死。
而現時推出的波鞋款有三種，分別是普通款 L1 Classic 、高筒版 M1 Classic 及籃球鞋版 H1 Classic ，價錢分別為 150 美元（約 $1,170 ）、 250 美元（約 $1,950 ）及 350 美元（約 $2,730 ），另加多 50 美元（約 $390 ）。如果你是有錢人，仲有隻全 e-ink 版，即是全隻鞋九成都用 e-ink 包住的 Limited Edition M1 Classic ，賣 1,000 美元（約 $7,800 ），雖然都幾貴，但一定型到震。
來源：Indiegogo
