雖然Google話要開發自動駕駛車，不過最近反而被 Tesla Model S 食頭啖湯，美國用家都已經率先試玩緊，好多都拍埋片上YouTube。不過，最近就有人試自動駕駛，膽生毛到走去後座試，天真信部車的 GPS 同應應器完會唔會出錯，完全搵條命仔較飛！
話就話 Tesla Model S 設有自動駕駛系統，不過同 Google 開發的好唔同，因為前者主要是輔助性質，行直路、開車、停車、轉線當然無問題，但要做到由出發點到目的地都完全自己控制，就要等 Google 的開發成果先做到。而今次條友試車似乎試到過晒火，Tesla 方面都已經有回應，日後升級軟件時，可能加入「駕駛者的雙手不能離開軚盤」的限制，玩串個場，之後限制只會越來越多，真係多得佢唔少。
來源：YouTube
