去得日本，一定會去便利店逛一逛，而日本的便利店又多，想搵特色食物，仲有咩揀？最近 Lawson 就推出一個中華料理包系列，其中第二彈的蟹肉包更加是必食之選。差不多全日本分店都有得賣，定價連稅 350 日圓（約 $22 ），雖然都有點貴，不過食完一定物有所值。
其實今次推出的大華料理包，主要是不同時間推出不同食材，而第二彈主要是選用日本鳥取縣出產的長腳蟹製作，入面有勁多蟹肉，至於味道就是日式中華料理味，大人細路見到都鍾意。由於每個包都新鮮製作，全部都熱辣辣新鮮食，在這個溫度的日本，可以話是必食之選。
加上個包都幾大，食完都頂得下肚，不過買完無論幾熱都好，記得要打開包裝紙，因為張紙防水，所以熱包發出的水蒸氣會變成倒汗水，然後就會搞到成個包皮濕到變糊狀，拎住會搞到成手都「槳住」，所以無論幾熱諗住遲啲食，都要記得打開招紙！
