在太空生活，相信在我有生之年都無咩可能發生，想學阿寳住喺殖民星入面揸部高達，就更加…..（咪 FF 啦！）好，講返正題，就算無得上太空，都總想知道在太空的生活有咩特別，最近有 5 位航天員在 Reddit 接受大家訪問，講吓太空特別事。有咩唔同？至少可以話你知，放屁不能當推進器用！
這 5 名航天員，有近期剛飛完的，亦都有幾十年就開始飛嘅，主要講吓喺由起飛到住在太空上面一啲特別事情，其中包括以下幾點節錄：u4get copyright u4get copyright u4get copyright u4get copyright u4get copyright u4get copyright u4get copyright u4get copyright u4get copyright
去太空站第一件事….
原來係會聞到一大陣的金屬同電子味，這種氣味又有啲似臭氧，雖然未至於好難聞，但就非常特別。
失重狀態之下，最鍾意係….
周圍飛！當然啦，一般在地球都好難做得到，更何況可以一推就飛（應該叫漂吧！），仲可以做埋個超人姿勢（比我會扮 iron man ），雖然太空站太細，唔可以飛好耐，好易就會撞牆。
出汗點算好？原來…
在太空站工作，好容易就會出汗，然後就會搞到成身都濕晒，有時仲會流到去眼入面，或者濺到儀器上面。而每次都一定要抺乾淨佢，因為汗水在太空唔會蒸發，而是變成凍結狀態。而汗水收集之後，就會回收變成飲用水…..
原來在太空站係唔會傷風…
到現時為止，仲未見過有太空人感冒，最多都係頭痛，食止痛藥就無事，反而最驚就係嘔，因為嘔嘅時候會飛到周圍都係，如果無用衫抺好，隨時有一、兩嚿喺你面前飛過。
有增高效果….
當在無重狀態下，因為大量血液可以輕易向上流，所以細胞都發展得更快，試過在太空中，我長高咗 2 吋（大約 5cm ），但增高亦都會令到背脊有少少痛，大約會持續幾日。不過咪開心住，因為一返到地球，就會恢復原狀。
來源：reddit
