講到長腿，一定會諗起日本 85cm 長腿索模 菜菜緒 ，早前就話參演男星松坂桃李孭飛 10 月開播的警匪新劇《サイレーン 刑事×彼女×完全悪女》，劇中菜菜緒將會飾演一名惡女。今日，菜菜緒就為咗新劇做宣傳，佢話對於飾演一名惡女絕對無難度，仲話自己都好男仔頭性格。
聽落好例牌？菜菜緒隨即嚟句爆發性宣言，話就算劇中要佢淨係著住內褲，對住成班男工作人員都唔當係咩一回事。為宣傳可以去到幾盡？唔使講喇啩？
但係我聽完佢咁講，第一時間唔係想睇部電視劇，而係想轉工，電視工作人員仲請唔請人啊？
《サイレーン 刑事×彼女×完全悪女》著剩底褲明益工作人員 菜菜緒 演惡女無難度
