〔遊日情報〕札幌二条市場必食特大三文魚子丼香濃蟹肉湯

去東京，食海鮮可以去築地，有大量的壽司店任你揀，但如果去的是札幌呢？雖然當然都有好多海鮮店，但想有得賣有得食，就可以去二条市場，而其中標榜「市場直送」的どんぶり茶屋，就推出秋季限量的特大三文魚子丼及香濃蟹肉湯，好值得去試。

日本人做生意，一向均真，入面有齊不同海鮮的標錢同食物模型比你參考，由1,380日元（約$89）特多三文魚子親子丼，以至賣2,680日元（約$1,73）的超豪華刺身特選丼都有。而且價錢比築地平，好吸引。而店內更提供自家製的昆布醬油，專為食刺身飯而調配，比起其他刺身丼店更加有特色。而最值得推介的是秋季限定超多三文魚子的特製いくら丼（售價1,980日元，約$128）及超重蟹味的わたりがにの鉄砲汁（售價300日元，約$20），有圖有真相，睇完你都會想去試！