香港好多人都習慣「相機先食」，上菜點都要影張靚相放上facebook，同朋友分享。不過，最近有一間名為Cinnamon Toast Crunch的食品生產商，竟然想出自拍匙羹的產品。咩係自拍羹？就是在一支自拍棍尾部，裝多支鐵匙羹，原意是可以做好進食的姿勢，或直接進行自拍，但我100%相信，真係會用這支自拍棍自拍食飯，應該十個入面都無一個！
其實這種新奇設計，通常都是大陸人先諗得出，意想不到英國人都會諗到。試想像一支長達近80cm（正確係76.2cm）的自拍棍，上面裝住部手機，其實都已經有一定重量，隻手仲要做個拎匙手勢，成件事已經唔容易，再加上這個手握自拍棍的手勢一定震過貓王，影十張都未必中一張。不過，最重要係自拍時樣衰到咁，真係好難用得落手。但如果你都真心覺得有用，都可以去官網免費拎一支用，不過就未必寄海外。
來源：TIME
