買相機影相，通常都會好錫住部相機同器材，因為價錢始終不便宜，就算話你知部機防水濺同防塵，都不會立亂拎去試。不過，攝影師Ray Mesh就有不同諗法，去玩極限越野賽事，竟然拎埋部 Nikon D750 同行，最勁的是，玩完部機竟然無死到！
Titans Race這個5km越野賽，不過要越過障礙物，仲要在泥濘中前進，兼夾過埋河濕身，非常瘋狂。但都不及Ray瘋狂，因為他竟然帶埋GoPro同 Nikon D750 跑住影。帶GoPro無問題，因為有防水殼保護，但 Nikon D750 基本上只可以防雨水，而且搭配的Tamron 24-70mm亦非防水鏡頭，陪Ray邊跑邊影，當然搞到部機全身泥濘。不過，跑完後Ray話部機完全無事，鏡頭扭環只是有點轉動不順，但清理後根本無問題，充分表現出Ray的不錫機個性。不過，睇番Ray影的相及片，如果不是他大膽帶住部 Nikon D750去撈泥，又點會影到這些傑作？
來源：RayMesh
