新鮮熱辣推出的 Sony Z5 ， 用 4K 屏幕又可以拍 4K 片 ， 加上「 810 」處理器及 Sony 死証高溫問題一直都未解決 ，理論上新機應該熱到暈 。 不過 ， 有外國傳媒實測新機 ， 竟然出奇地無事 ， 點解 ？ 有消息人士話原來今次 Z5 改用全新的散熱設計 ， 特別加入雙散熱管同電腦用散熱膏 ， 真係有效 ？
今次率先被拆開的是 Z5 Premium ， 由於機體只得 7.8mm ， 機體的散熱位一定不多 ， 而「 810 」處理器的熱力又人所共知 ， 要令到部機拍 4K 片又不過熱 ， 莫講 Sony ，其他廠都難做好 。 而今次拆解圖見到處理器位置有一堆散熱膏同兩條金色散熱導管 ， 相信就是散熱的秘密武器 ， 亦睇得出 Sony 有心解決散熱問題 。 作為用家 ， 當然高興 ， 最少不會出現之前某個型號手機 ， 一邊浸水拍片 ， 一邊屏幕告訴你：「太熱了，我要罷工！」的情況。
