3D打印愈來愈成熟，最近更有西班牙設計師Josep Bolart Cortazar，開始用3D打印生產電動單車Paolo。其實電動車數到最成熟，應該都算是中國，基本上周街都有，不過今次這部3D打印電動單車，更採用可再生物料製作，相信最主要是車身夠不夠「硬淨」，希望不會在行駛過程中解體吧！
其實Josep Bolart Cortazar本身是一個工程師，不過一直覺得交通環境污染問題嚴重，但電動車又貴，最好當然是又平又方便的交通工具。作為電動單車，當然要有摩打及電池，同時亦能連接手機，睇到電動車的電量、時速，以為控制車尾燈等。Paolo亦可針對送貨員，老實講，外形一定靚仔過國產電動單車，不過無腳踏純用電，無電都幾大鑊。而Paolo最快相信要下年先有實物睇。
來源：coroflot
