初創產品，應該好多人又愛又恨，有時又覺得好新，但有時卻發現搵笨。好似上年外國初創公司 Juicero 發布了一款特別的榨汁機，用家只要將廠方特別為機體調配的蔬菜包放入機內，便可以為你榨出一杯蔬菜汁，而且由於有膠袋袋住蔬菜，榨完連機都不用洗！聽落好似好吸引，不過最近 Bloombery 特別為這部機做了個實驗，証明是搵笨成分居多！
先講講部機，上年創辦人就話部機最多壓力可達 4 噸，足夠抬起兩部汽車，而機體內亦有條碼掃描，自動檢測蔬菜包有無過期。當時售價定為 700 美元（約 HK$5,460 ），而今次就決定減價至 399 美元（約 HK$3,120 ）。而 Bloombery 就用一個更加簡單的對比，測試部機的實力，就是機榨同手榨，究竟有幾大分別？
而得出的結果，係……手榨用，分半鐘大約可以搾到 7.5oz ，而機榨大約兩分鐘有 8oz 。就算當榨汁效果平手，睇條碼有無過期，其實只要沒有眼疾，理論上都可以自己睇到，仲要放入機先知，只能講無言以對。唯一的是這些蔬菜包要買機先可以買到手，每包 5 至 8 美元（約 HK$40 至 HK$64 ），仲要俾佢搵多筆？隨非你多錢無掟使。
來源：Bloombery
