日本女星廣瀨玲最近好黑仔，無啦啦被萬惡嘅日媒傳佢同《逃恥》入面百合個Gay男下屬成田凌有路，雖然雙方事務所已極力否認，但都無阻日媒趁機踩多兩腳，難怪近排好似失咗蹤咁無晒消息。不過論最想廣瀨玲死嘅，應該係佢家姐廣瀨愛麗絲，嚟緊聽日佢套新劇《愛を乞うひと》放映，於是有關媒體決定幫佢送阿妹一程。
報導中指，大大隻字標題話廣瀨愛麗絲喺嚟緊呢年，極有可能突破佢阿妹嘅成績，仲話今套新劇係佢試金石，仲話套劇喺98年上映時，女主角野波麻帆作為新人竟然一時爆紅。今次新劇更請到篠原涼子座陣，肯肯定令廣瀨愛麗絲人氣急升。
唉，講過萬千咁多次，日媒有時捧人真係有啲過份，先唔講套劇係由篠原涼子做女主角，單係講愛麗絲嘅演技屬有限公司，就知佢表現幾咁「突出」，家陣多人講只係佢阿妹傳下緋聞啫，到時真係捧得愈高，跌得愈甘。
來源：Real Sound
