〔 CES 2017 〕浴室都要玩智能四花洒清潔身體每一處

當所有事物都要加入智能元素的時候，作為每日都要用到的浴室，亦不例外，但你以為只不過是提前煲熱水就算？當然不止於此！在今年的 CES 2017 ， Moen 便推出一款名為 U 的花酒裝置，除了有花洒頭之外，更會設有一個小型的LCD 屏幕，可以顯示溫度、設定模式，亦可連接手機進行遙控，當然亦會有智能家居必備的預熱功能。

不過當你看到相，都會奇怪：點解有四個花洒頭？原來每個花洒都可以沖不同用途，包括正常花洒、身體花洒、洗臉用花洒及洗頭專用花洒。而哪個花洒出水，只要按個掣就得。另外，亦設有 12 模式選擇，包括冷水、熱水、指定水溫等等。而價錢方面，加得智能二字一定不會便宜，兩個花洒套裝售價 1,160 美元（約 $9,048），至於四花酒套裝，更賣 2,200 美元（約 $17,160 ），不過就算你有錢裝，沖涼時記得手機跟身，否則俾其他人亂搞水溫，都幾麻煩。