一本書可以做什麼？當然是用來看。一本厚的書又可以做什麼？當然是十大武器之一！學《食神》話齋，能夠藏身於書報攤、便利店，又能打人於無形！最近日本在一個東京女子摔角比賽之中，便亮出了一件武器，就是一本結婚雜誌，而這一本結婚雜誌為什麼能成為武器？最為厚度達到 4cm ，用來打人可以話下下夠力，至於件武器最後能不能發揮到作用？你估下？
其實東京女子摔角比賽都幾「嚴謹」，因為當女摔角手 滝川あずさ 拎出武器之後，就要先俾裁判睇一睇，一本書當然能夠輕易通過。而一出場，就成本畫「車」埋去對手個頭，不過似乎力度不足，搞到俾人從後偷襲，最後當然被人打到瞓低，但最大亮點是：打到死都唔放開本書，莫非呢位摔角手真係咁恨嫁？
來源：hamusoku.com
