銀魂可以話日本另一套長命到唔長的動畫，包含搞笑、格鬥、熱血等 N 個元素，最近亦都被睇中拍攝真人版，而名單一早已經有，包括小栗旬、橋本環奈、菅田將暉等四人，其實之前都怕同之前真人版動漫一樣，人物配搭九唔搭八之餘，人物仲要極度失真，不過最近有官方劇照曝光……小栗旬竟然將阿銀神還原！搞到對部戲都有啲期待。
當然小栗旬作為主角似都好應該，如果主角都唔似，真係搵鬼睇！而另一個值得一讚嘅，就係菅田將暉，又係勁似阿八，而且唔係個樣似，連個種帶點數字又「八七」嘅感覺都有，認真利害。你唔知菅田將暉係邊位？咪就係之前拍《幪面超人W》做其中一個男主角菲利普嗰位演員囉！
至於暫時感覺最「削」，都應該係神樂，唔係話佢唔似，但神樂都唔係走靚女路線，搵橋本環奈扮，真係嘥咗啲囉！
來源：IT Media
