iPhone 電量不太夠，好多人都知，用了一段時間後，便會發現電量基本上用不到一日，經常要帶住尿袋四圍走，都幾煩。有人會選擇內置電池機殻，可為手機隨時充電，但令部機變厚。最近全球最薄內置充電功能的機殻 ThinCharge 推出 iPhone 7 版，最厚只得 12.5mm ，最重要單睇外型，好難睇得出原來你的機殻有電池，相當具吸引力。
一般內置電池的機殻，都需要 15mm 厚或以上才能做到，而只得 12.5mm 一厚的 ThinCharge 的確具有一定吸引力。不過，只不過是薄但電量不夠多，都好難有吸引力，今次會分為兩個版本， iPhone 7 版內置 2900mAh ，而 iPhone 7 Plus 版本則為 3600mAh ，確保最少能為手機完全充滿一次電。
除了有電量提供之外，亦有一定的防撞能力。即將會在 Kickstarter 眾籌，iPhone 7 版收費 45 美元（約 $351 ），而 iPhone 7 Plus 版則為 50 美元（約 $390 ），但如果心急的話，亦可去官網登記購買，預計明年一月正式發貨。
來源：indiegogo
