日本咪神真野恵里菜向來 Sell 樣靚身材正，仲不時肯出下噴血寫真益街坊，戲路仲廣闊到由純情少女、無口動作女至巴辣人妻都演過。但唔知點解，星路一直麻麻，衝極都上唔到一線，今日佢去咗池袋嘅發布會，終於出奇招冧客喇！
喺發布會上，佢就大講本寫真喺美國 LA 嘅沙漠度影，風格就走「公路電影」路線，寫真集點走公路電影路線就真係睇過至知，但一向唔識講嘢嘅佢，突然撻着咁話，本書會全裸露背，仲話唔知係咪去咗外地令佢變得好大膽，有啲相影嘅時候好大風，所以啲衫有種被撕裂嘅感覺，嘩！即刻令人有晒畫面！
可惜，講完呢句之後，可能自覺太過激，驚令班叔叔馬上風，真野就轉口風，話明年會專注喺演戲方面發展，仲話會走純情少女路線。佢暗示到明示話明年唔好再出咁激嘅寫真，難怪完騷後，好多宅男即刻狗衝去訂書，今次幫真野寫講稿嗰個真係抵讚！
來源：東スポWEb
