日本男神木村拓哉因SMAP散Band事件做咗叛徒，由「萬人迷」變「萬人驚」，傳到無人肯同佢合作拍劇，但日前佢主演套《無限の住人》公布咗演員名單，又同傳聞好似唔係太過似。噚日，電影公司再次發功，發咗兩張劇照，搞到成班戲迷連阿媽姓乜都唔知。
事緣兩張劇照中，雖然只得福士蒼汰同戶田惠梨香拎住武器擺甫士，而福士蒼汰似唔似天津影久咁打得就唔知，但由戶田惠梨香飾演嘅乙橘槙绘，單係個款已經入型入格（資料提供：乙橘槙绘角色係藝妓，賣身嗰隻，所以行為同衣着有時會比較大膽，完。），露出嘅一雙長腿，已經叫不少宅男倒抽一口涼氣。
講開又講，戶田上個月宣佈同加瀨亮正式玩完，但今次佢完全無上幾次咁玩到有厭食症咁，收埋自己兼暴瘦，仲要咁搏命去開工，真係抵讚。
來源：CinemaCafe
