用得 iPhone ，好多人都會用埋 Apple Watch ，不過 Apple Watch 以無線充電設計，如果一無電，有尿袋在手都無用。最近在 Amazon 便出現一個流動 Apple Watch 充電器，只要將隻錶放上去，就可以充電，內置有 700mAh 電量，無論是第一代或是第二代的 Apple Watch 都支援，而且最近正進行減價， 49.99 美元（約 $390 ）就買到，就算出街先發現無電，都可以幫到手。
其實這個名為 Power Bank for Apple Watch 的產品，主要使用 microUSB 充電，亦即時就算無電都可以用尿袋補給。在充電器上亦會設有四個 LED 燈，提示內置的電量有幾多。而 Power Bank for Apple Watch 亦設有小扣，方便扣在袋上。如果不想去美國買，其實淘寳都有近似的產品，價錢較低（ 159 人民幣，約 $180 ），不過體積比較大，內置 1500mAh 電量，更可將充電線收到充電器內，都算方便。
