噚日先講完，日本萬人迷木村拓哉因為喺SMAP解散事件中，疑似做二五仔，搞到成個日本藝能界都怕咗佢，想開新劇無女星肯接之餘，隊友香取慎吾仲放話，嚟緊明年完約即引退，事關有人憎木村憎到唔想見到佢咁話。
不過，唔知咩玩法，今日電影公司就公布咗木村主演嗰套《無限之住人》嘅演員名單，除咗女主角係由名不見經傳19歲女新人杉咲花擔任外，大多數都熟口熟面，例如有超新星福士蒼汰、真.Misa Misa戶田惠梨香、市原隼人同栗山千明，先唔好講係咪個個都企喺一線先，起碼聽過個名先，唔知係咪想憑此粉碎無星肯同木村嘅傳聞呢？
不過又咁講，女主角雖然唔係太多人識，但43歲嘅木村可以拖住19歲女新人演戲，都咪話唔爽皮。
來源：Oricon Style
