MacBook Pro 終於都推出，不少人等了又等，就是希望可以買新機玩 Touch bar ，不過，技術提高兼機身變薄，又犧牲什麼？原來就是升級能力，根據外國拆機無數的 iFixit 第一手拆機後發現，新 MacBook Pro 莫講話要維修，就算想自行更換內置容量都有好多障礙，包括機底螺絲位減少，「筍」位更多，而最重要是使用專用 SSD ，買到價錢不會便宜。
其實要做得薄，都預計到有此結果，就以 MacBook Air 系列為例，將 SSD 焊死在底板，想換都難。不過就算今次 MacBook Pro 沒有焊死 SSD ，但今次使用專用 PCIe SSD ，這種特別的設計，應該要去偉大的中國先會搵得到，而且無幾千都無可能買到。至於換電池方面，亦都是一大問題，因為今次的 MacBook Pro 同樣使用大量的胶固定電池，以減少鏍絲位佔用的空間，可想而知 Apple 為求令機身更薄已無所不用其技。
來源：iFixit
