小惡魔石原里美同山下智久拍完套《朝5晚9》後，一如所料傳出緋聞，繼之前話山P帶埋石原出席家庭聚會後，近日又再傳出，山P幾個月前去完大阪音樂會後，漏夜返東京去見石原。
雖然個緋聞講到言之鑿鑿，但粉絲其實早已見慣不怪，兩個無嘢傳出先至出奇。但最近，有日媒就超級唔抵得呢對緋聞男女，先將二人嘅緋聞List吹番次，誇張到石原張List出現名不見經傳嘅岩田剛典，山P就連「人妻」井上真央都搞埋。
不過，最最最最睇得出葡萄嘅，就係個報導翻炒埋唔知邊度嚟嘅小道消息，講番之前山P 2014年被傳召有「特別服務」嘅按摩師，仲暗示到幾乎明示話山P嘅「性趣」有點特別。最後又話山P呢鋪「揼骨癮」，令到石原好不安添。
下？你知又石原唔鍾意玩另類遊戲？
來源：おたぽる
