星二代有時真係幾難做，一舉一動受注目不特只，若果入埋娛樂圈更加會被外界拎嚟同父母比較。日本當然有不少星二代，但好似坂口杏里咁，要去到整容兼走去 AV 出道實屬罕見，而且出道嘅處女作負評如潮更加係天方夜譚。
先唔講坂口嘅「演技」係咪差成咁，但佢嘅孝心就真係稱得上無頂，事關今日係佢阿媽坂口良子嘅生忌，佢就喺 Twitter 寫咗堆文嚟悼念亡母：「我這個女兒很不孝，真的非常抱歉不能好好孝順您，在這個世界上我最愛媽媽，您永遠都在我的心裏，我會到那裏再向妳表達感謝和歉意。」貼文一出，好多「炮兵」都睇到非常感動，仲留言為佢打氣，叫佢「好好加油」，仲話「妳母親會瞭解妳的」。
好喇，成件事睇落好似孝感動天。有報導仲話，睇得出坂口拍甜片嘅意志有幾咁堅定，但係時候提提你，坂口當日要「出道」嘅原因，其實係佢之前沉迷去鴨店，敗光媽媽千萬遺產，仲欠下過百萬債務所致……
早知今日，何必當初呢又……
來源：ナリナリドットコム
