全球機場 WiFI 免費上 WiFox 網上版免費任用

如果你經常去旅行，應該都試過在外國機場候機無得上網的慘況，因為好多時旅行去到最後一日，漫遊data費已經用盡，或轉機幾個鐘不會特別購買當地上網服務，如果機場無免費Wi-Fi，就唯有呆等兼失聯。 WiFox 就幫到手，因為集合了全球各機場的WiFi密碼，只要上WiFox網站，就可以搵到密碼用。

不過，你可能會問要先上網才check到密碼，點可能用到？這時候除了預先上網記低，另一個方法是下載手機app，但就要收約$13.6，如果想慳錢，最好都是出發前先上網記低。