不少人去日本或韓國旅行，都會去行十蚊店掃貨，當中有不少新奇好用的物件出售，而且價錢平，就算買回來不太合用，都不致太過浪費。但究竟在日本人心目中，有幾邊件十蚊店產品，他們覺得特別，但你又會覺得最無聊？下面為你逐件講！
1.噴噴豉油樽
其實只不過是一個普通的噴噴樽，不過包裝轉一轉話專攻豉油用，就即刻可以好多人買。設計廠有無計過每一次噴幾多豉油，係咪真係適量？十蚊店產品邊有咁專業先……..
2.樽裝水扮水樽
好多人做運動都會買樽水，但如果想的買的樽裝水可以有小樽的感覺，都可以諗這個樽裝水扮水樽，不過，說穿了就是一個套加一個蓋，最大作用就是自我感覺良好囉！
3.雙頭味架
香港人調味料不算好多，不過如果配合埋西方調味料，其實都幾多，而這款調味架都幾特別，中間以一個斜間分隔上下，可以一個樽放兩種調味料，不過，如果底蓋一鬆，都幾大鑊。
4.燈掣蓋
老實講，這件產品有幾實用，就見仁見智，主要是貼係燈掣上面，可以將細燈掣變成大燈掣，方便去按，不過這個設計來看，應該㩒幾次就會爛……
