家中部電腦有幾耐無開過？相信無幾個月都有十幾廿日，除非日日都要用電腦工作，否則都懶得開機。雖然長時間少用，但並不代表無生存價值，不能缺少，不如想辦法搞搞新意。最近 I-Rocks 便推出一款新鍵盤 K76M ，最大特點不是鍵盤反應有幾快，而是設有 Lego 機面，用家可以自行砌上不同的公仔，增加可玩性，外觀亦更加吸引，就算少開電腦，都可以玩 Lego ！
其實這款鍵盤最特別之處，是除了打字的按鍵以外，機身全部都是 Lego 的底板！用家可以隨意砌上不同的公仔，就好似當然盛行一時的 Lego 手機殻一樣。而鍵盤的 Lego 面積都算大，想自行砌場景都無問題。不過，就算有 Lego 玩，鍵盤好不好打都好重要，按鍵採用機械軸設計，打起來相當有手感，同時設有專利用 ROS 消意技術，打字都不會太嘈吵。至於售價方面，定為 $999，雖然作為一個鍵盤，價錢的確有少少貴，但可以玩 Lego 心理治癒一下，應該貴少少都可以諗。
售價：$999
查詢：3626 9899
