香港不少地方的違例泊車問題都幾嚴重，就其是有錢人出沒地方，抄牌食牛肉乾，等同交停車場費。但如果即時叫拖車，效果亦都不理想，可以點做？或者這個名為 Barnacle 的物品可以幫手。其實簡單講，就是一塊車外用的擋風玻璃膠板，只要一有違例泊車，便可貼上，之後想開走都難。
Barnacle 的操作原理好簡單，只有膠板同一個商業用的玻璃吸盤，基本上一個人是無法用暴力可以拆得走，就算真的有人想試，亦會發出警報，附近所有人都知你違例泊車。想解鎖？打電話去交罰款，然後先可以有密碼解鎖，仲要 24 小時內自己交還 Barnacle ，否則再罰多次錢。由於採用摺合設計，一部車可以放入十幾塊，去中環走一轉應該都隨時用光。
來源：New Atlas
