老麥對於好多人來說，又快又平，其中漢堡包更加好多人都食過。不過，食過貴價漢堡包，都應該知老麥漢堡包質素有幾高。不過，其實老麥同好多女朋友一樣，最初並不是這樣，其中在 1981 年便推出過一款名為 McRib 肋排堡的漢堡包，更被稱為傳說中的美食！香港無得賣，美國亦都只得部分店鋪限定供應，想食？睇片自己跟人住做囉！（未食飯慎入，因為睇完真係好肚餓！）
其實自 1981 年推出 McRib 肋排堡至今，香港差不多都沒有出現過，因為製作過程都幾煩，就算早幾年 30 週年，美國試過全面供應一個月，都無試過香港推出。而 McRib 肋排堡之所以美味，除了是因為有一整塊長形的去骨肋排，配上美國烤汁之外，配合埋酸青瓜及洋蔥，單單是賣相，都已經極具吸引力。
今次名廚就教你自己在屋企，挑戰這款傳說中的美食。首先當然要有急凍的，之後便準備醃料，材料以下：
肋排醃料材料：
洋蔥粉（1湯匙）
大蒜粉（1湯匙）
乾野馬鬱蘭（1湯匙）
乾莞茜（2茶匙）
黑胡椒（2茶匙）
辣椒粉（3分之一杯）
紅糖（3分之一杯）
粗鹽（4分之一杯）
芥末（4茶匙）
之後將所有材料攪均，再放到已解凍的肋排上，之後，就可以準備烤爐，想有煙熏效果可以在炭上加入煙熏木，然後便可以烤肋排。最佳溫度為 107 度至 135 度，完成後既可保留肉又不會太乾。（如果不想令全屋都是煙，都可以用焗爐代替），然後便可製作美式烤汁，材料如下
美式烤汁材料：
辣椒醬（2茶匙）
醋（2湯匙）
喼汁（2湯匙）
芥末粉（1湯匙）
切碎洋蔥（1細個）
糖蜜，即黑糖或紅糖（4分之一杯）
番茄醬（2分之一杯）
雞湯（1杯）
煮滾之後，再放2湯匙肋排醃料，完成後便可掃至燒烤中的肋排上，然後便可進行去骨，再放到麵包、洋蔥、及酸青瓜便完成。好唔好食？試下就知！
來源：YouTube
