日本女星黑木美紗，本身係靚女一名，來自沖繩嘅佢，有巴西同琉球混血，亦都為佢加咗唔小分數。可惜自12年同赤西仁奉子成婚後，事業同人氣就係咁跌，加上老公唔生醒，出名好食懶做兼大滾友。
搞到好多花生友都認定佢哋唔捱得幾耐，於是日傳夜傳黑木會出軌，誇張到14年時，佢同老公前隊友兼有婦之夫小粟旬拍《雷朋三世》，都話佢哋已成功搭上。不過，點都好，所有報道最正確嘅就係，婚後離開Johnny事務所嘅赤西仁，「正職」絕對係家中嘅量地官。 黑木美紗
日前，黑木宣布將會接拍下個月播嘅深宵劇《拝啓、民泊様。》（亂繹：親愛的先生，賓館），劇中，佢將會飾演一名與丈夫經驗賓館嘅惡妻，打理成間賓館養家外，仲會對軟弱丈夫施以恐怖手段「管治」。有口痕友就話，呢個角色完全係照現實生活而設，啱晒黑木做咁話喎。但另外就有宅男留意到，黑木雖然生完BB，又霉咗咁耐，都依然Keep到個Body咁Fit，反問赤西仁真係咁覺得「妻不如妾、妾不如偷」？定還是黑木喺屋企真係咁惡頂？
來源：おたぽる
