日本女神北川景子，嫁咗之後人氣真係不減反增，套新劇《賣房的女人》成收視冠軍之餘，工作仲密密接，戲路仲愈來愈廣。嚟緊佢就會孖小粟旬，拍套催淚片，特別之處，景子會以提拔後輩嘅大名義出發，講述由新人美少女浜邊美波飾演患有胰臟癌嘅少女，喺死前同一名沒名字少年北村匠海嘅感人故事，而小粟旬就係呢個「無名氏」成年版，景子就係少女……個Friend。
睇完故事簡介，就知劇情肯定Sad Ending，不過好衰唔衰，電影公司沿用套片嘅漫畫原著個名《君の膵臓をたべたい》，直繹意繹叫做「我想吃掉你的胰臟」。嗯，幻想下，你睇完套片同個Friend嘅對話，可能係咁：
「睇完景子套《我想吃掉你的胰臟》，好感動，係咁喊。」
「驚到喊？」
來源：ModelPress
