日韓傳媒好興搞選舉、票選乜乜乜，但係個公信力真係見仁見智，事關次次個結果總係令人目定口呆。好似，近日有網媒搞咗個最高顏值夫妻選舉，依照女神北川景子同「前首相竹下登個孫」Daigo，無論橫睇掂睇，冠軍都走唔甩，但係結果公布當日，竟然得個第二，輸咗比人人鬧爆嘅福山雅治同吹石一惠呢對。 北川景子
個結果咁樣，當然好多人唔收貨，不過主辦單位繼續「逆民意」，以「正統派美人」嚟形容吹石。下？係人都知，福山係睇波唔睇樣架啦，咁貼金法好似又過份咗少少。但福山迷痴線到話單係男神已經男女通殺，佢老婆係點樣都無乜所謂喎。
另外，排第三嘅就係反町隆史同松嶋菜菜子，雖然夫婦二人年紀稍稍偏大，但都叫做勉強講得通咁囉。
來源：Qoo
