如果家預期，在今日香港時間 1 時， Apple 正式發布了新一代的 iPhone 7 / 7 Plus ，講到今次新機，其實大部分功能都已經流出，反而新發布的真‧無線耳機 AirPods 更有吸引力。當然，最重要是價錢，今次兩部新機將會以分別推出 32GB 、 128GB及 256GB ，售價由 649 美元及 769 美元（約 $5,062 及 $5,998）之間，9 月 9 日預訂，但香港同中國都將會是首輪開賣地區，亦即是今年 iPhone 7 都唔使指意有得炒。
孖寳兄弟入 Apple Store
在今次的發布會，首先講的並不是新機，而是遊戲，因為今年將會有任天當加盟 Apple Store ，而首款手遊，將會是最多人所認識的孖寳兄弟（Super Mario Run）！而且更會加入 Wii 風格自選角色功能，用家亦可進行對戰模式，與好友比較誰更加高分，吸引力都幾高。
主角出場
iPhone 7正式推出，今次如傳聞所指，將會設有雙鏡頭設計，不過先講顏色，今次將會推出會反光黑色及普通黑色兩種。亦會有金、玫瑰金及銀色。另外，Home鍵亦會有改進，將會學 iPod 增加按鍵的功能，配合第三方 app 可做到更多功能。機身亦會支援 IP67 防水，預料之中吧！而今次會使用新處理器 A10，內置 Four-core 處理器，令到處理速度進一步提高，圖像能力比上一代快一倍，但耗電量更低。
鏡頭點玩？
先講單鏡 1200 萬像素版（ iPhone 7 ），同樣玩高質素，有防震，有六片高質素鏡片，同時都有雙色補光燈，而且標榜可以在極短時間之內，做齊減雜訊、白平衡、光度控制等多個動作，先可以有靚相，不過最大驚喜，反而是不少展示靚相，都在香港影。至於雙鏡版（iPhone 7 Plus ），則同 G5 一樣，兩個 1200 萬像素相機，一個是正常，一個是超廣角，不過用法有點近似相機的光學變焦，都幾得意。
機身有立體聲
耳機方面，如之前所指，會改用 lightning 代替 3.5mm 插頭，不會 Apple 話會有廠推出耳機，亦都會有 lightning 轉 3.5mm 插，叫大家放心。反而更加驚喜，是否戔大立體聲喇叭，設於機頂及機底，睇片更加爽。不過，更值得人期待，是 Apple 推出真‧無線耳機 AirPods ，具有輕觸功能，雖然外型沒有其他真‧無線機耳吸引，但更重要是有 Apple 的音響晶片 W1，可單獨使用作通話。具有 5 小時使用時間，外置盒亦可提供 24 小時電量。
