輸畀同志咁失威？川口春奈劇拗直男同

日本21歲女星川口春奈，由12歲出道至今都備受期待，難得春奈妹嘅無論顏值、身材都隨住年月咁「成長」，雖然而家目測仲係未到C，但不知幾多宅男都希望佢可以再發育。不過，好可惜，由佢主演嘅劇集就同佢身材期待度成反比，好似佢套《金田一少年事件薄N》被忽視到無人講，而13年套《丈夫的女友》嘅最低收視紀錄仲未有劇集可以破到。川口春奈

話雖如此，佢嘅工作量真係Keep住長做長有，嚟緊就有套新片《にがくてあまい》(強國繹：苦中帶甜的滋味)會上，套片講述春奈妹點將「基男」林遣都拗番直。日前，成班演員就出席首映禮，會上，眾人就大玩心理測驗，用三個字去形容一個蔬菜生果，春奈妹用咩字眼去形容咩生果唔係重點，個焦點係當主持有意無意，將兩位主角嘅形容套在彼此身上時，在片中飾演基吧酒保嘅SU，就忽然大爆，話誤會林遣都用「可愛、水靈靈、很容易壞」嚟形象自己，擺到明想向春奈妹爭仔。