由於今年是咸蛋超人正值 50 週年，所以推出的產品同宣傳特別多，好似早前推出 1 米高的咸蛋超人，又做埋廣告主角，瓣數都幾多，而最近日本又有新玩具發售，而且仲同杯麵合作，推出可以「 Ultranoodle 」（係咪應該叫佢做「超麵」？），不過此麵不能吃，只能夠變形！
這個 Ultranoodle 系列不單止有初代的咸旦超人出現，仲有為人所熟識的巴魯坦星人及最新的咸旦超人X（台譯超人力霸王X），一套總共有六款，全部都是鎖鑰扣 size ，日日帶出街都無問題，而最新廣告片中，亦標榜可以三秒變形，咸蛋超人迷得閒都可以拎出來解癮。而推出日期為 8 月 6 日，每個售價為 918 日元（約 $70 ）。
來源：Bandai JP
