英雄玩具，當然亦要提本地公司 Herocross ，今年動漫節主打幾款玩具，其中包括柯柏文 Evasion Mode 限量版、金屬版的異形限量版，以及兩套金屬版的一連四隻忍者龜。另外，不得不提的是由 Bandai 食玩、Bandai 及零食物語搞的食玩新商品展覧會，當中亦會展出 Gundam Converge 5 週年海外限定紀念版， 都有一定吸引力。 Herocross 柯柏文 Evasion Mode
作為專推出英雄玩具的 Herocross ，今年都有幾多產品，包括有早前公布會推出的 1987 年動畫版忍者龜，不過應該最多人搶的是柯柏文 Evasion Mode 限量版，除了舊化做得好，可動關節夠多亦都是賣點之一。如果想買，仲有兩套金屬版迷你忍者龜，質感都幾好，忍者龜絕對要留意！
另外，鍾意食玩的讀者都要留意，因為今年場內設有食玩新商品展覧會的小型攤位，當中會展出 Gundam Converge 5 週年海外限定紀念版的 Beargguy F Special Set by 海老川兼武，分別有紅色及黑色版本。另外，都有不少 Gundam 的食玩玩具展出，都幾值得去睇。
