有追開日漫，都應該有睇過《 一拳超人 》（日文：ワンパンマン，英文：ONE-PUNCH MAN），小編相當鍾意這位作者以搞笑手法，講出超人們的悲哀。不過這部日漫始終沒有機械人，亦無女性角色，玩具不多。而最近千值練就特別為主角埼玉推出 1/6 figure ，以電視版為藍本設計，定價 14,500 日圓（約 $1,059 ），預計今年 12 月開賣。
其實《一拳超人》最初是由網絡漫畫形式推出，而原型是家傳戶曉的《麵包超人》所啟發，原是一套練習漫畫製作軟件的作品，但在網上發布之後得到廣泛關注。最初小編以為次次都一拳打底敵人，應該無咩故事好講，但時至今日都發布到 98 擊，更持續更新，又推出電視動畫，認真利害。而這個千值練版 1/6 埼玉，做工都幾仔細，由面部的表情以至肌肉的線條都好細緻，鍾意《一拳超人》的讀者，記得要留意！
