《 Pokemon GO 》推出之後，在美國的回響大到不得之了，差不多個個都走去玩，而不同開發商，當然都想可以乘住氣勢賺一筆。最近有一間無人機公司 TRNDlabs 便推出一款話可以用航拍機捕捉小精靈， iPhone 專用的工具 Pokédrone ，仲有埋影片俾你睇，但研究是否真正能夠同《 Pokemon GO 》連動，都好難確定到。
其實這個 Pokédrone 的原理好簡單，主要是利用機身的 GPS 定位，去欺騙手機內的《 Pokemon GO 》的定位系統，而航拍機所到之處即為手機所到之處，不過要用到這個技術，相信手機一定要 JB 先得（單是欺騙手機 GPS 便一定要越獄先做到）。不過，我覺得最大問題是航拍機的繼航力，大約只得幾十多分鐘，其實並不能去得太遠，行過去都並不算好花時間，又是否有必要大費周章呢？
來源：TRNDlabs
