藝人開Blog出Po谷新劇是常識吧，不過好似日本女星北川景子咁靚抽真係好少見。今日，景子喺官方Blog度出咗篇長文講近況，話日日拍新劇《 家売るオンナ 》（台繹：賣家的女人）好開心。 北川景子
不過咪以為講幾句又係咁Sell，佢跟手就貼咗張相，話即使幾忙都好，都抽空去咗睇美少女戰士嘅展覽會，仲話喺展覽會入面，睇到好多佢兒時曾擁有過嘅玩具＋精品，睇到嘩嘩聲之餘，當見到《美少女戰士真人版》嘅精品時，仲諗番13年前，擔當火野麗一角時嘅難忘心情，仲話好慶幸認識咗好多隊友，全部都可以做到一世嘅朋友添。
之後，景子又講到話咁快又踏入下半年，佢終於都30歲喇，日前同咗班美少女戰士搞咗個30歲燒肉會，玩得好開心之餘，仲好大感觸，睇到班宅男眼濕濕，真係不得不讚個文膽。
來源：北川景子官方Blog
