好多男士都鍾意《 Star Wars 》（星球大戰）， 其相關玩具更加成為不少人收藏的目標。 不過， 自從迪士尼收購了《 Star Wars 》的版權之後， 雖然一般人的認知度大增，但同時間推出的產品都愈出愈濫。 最近甚至有廠商推出「 Star Wars Lightsaber Tool Kit 」，是什麼東東？激光劍造型螺絲批囉！
雖然聽完第一時間想鬧爆， 但如果細心去睇， 又沒有想像中差。 首先今次推出的螺絲批， 造工都算幾精美， 而且更有分別以天行者（Skywalker）、黑武士（Darth Vader）及尤達大師（Yoda）配劍設計， 睇落都幾靚。 而現時已可在 ThinkGeek 的網站入手， 定價 19.99 美元（約 $156 ）入手， 這個價錢純買螺絲批一定貴， 不過有《 Star Wars 》激光劍在手， 與原力同在， 扭螺絲都順啲！
來源：ThinkGeek
