作為動漫迷其中一個集體回憶，《 聖鬥士星矢 》今年已經步入 30 周年，雖然早前話會推出新動畫，不過眼見之前電視原創的《聖鬥士星矢Ω》慘況，期待值大減。不過大型展覽就吸引好多。而除了在即日至 29 日，在秋葉原舉行之外，之後亦會移師到香港，而展覽地點是銅鑼灣時代廣場，亦會有大量精品出售，星矢迷一定不容錯過。
想當年一招「天馬流星拳」獨步天下，青銅聖衣已經不夠吸引力，反而當年打 12 宮的黃金聖衣造型，更加有睇頭。今次將會展示原稿以及新造型的人馬座黃金聖衣 Original Color Edition 版玩具，而香港展期會由 8 月 8 日至 31 日。而除了限量版本之外，亦都會有早前出售的黃金魂版，好值得期待。
來源：Tamashi
