日本「肉食系」女星石原里美，日前被踢爆有晚上咗山下智久屋企玩，呢個「成功推倒」男神嘅壯舉，令到好多粉絲跌晒眼鏡不特只，近日事件仲不停咁發酵。
有傳言話，山下因年初 SMAP 解散風波後，見到事務所對旗下藝人結婚一事鬆綁，又自問喺公司地位麻麻，決心同石原結婚，順便來個大反擊。有人仲話，佢眼見師兄嵐嘅松本潤同井上真央拍拖咁多年，都未能拉埋天窗，唔想好似師兄咁無得結，諗住快手 KO 咗件婚事。
至於石原嗰邊，就話女方一直都係山下的粉絲，今次想用結婚嚟綁住男神，仲話石原見到上野樹里結婚，衝擊到佢喎。
雖然講到似層層，但粉絲真心唔睇好，事關石原出晒名係拍檔殺手，下次拍邊套劇又唔知又會唔會殺死邊個男星。兼且男方都唔好得去邊，江湖盛傳，佢追過北川景子、又「搞過」大島優子。即使退九千萬步睇，佢兩條友都唔係拍咗好耐，結婚會唔會快啲先？
來源：まいじつ
